मुंबईत राष्ट्रवादी काँग्रेस पक्षाच्या कार्यालयात स्वराज्यरक्षक छत्रपती संभाजी महाराज यांना अभिवादन
मुंबई: प्रतिनिधी
व्हिजन मराठी न्यूज
……………….
स्वराज्यरक्षक छत्रपती संभाजी महाराज यांच्या जयंतीचे औचित्य साधून राष्ट्रवादी काँग्रेस पक्षाच्या मुंबई येथील मुख्य कार्यालयात अभिवादन कार्यक्रम संपन्न झाला. यावेळी राज्याचे नामदार हसनसाहेब मुश्रीफ यांच्या हस्ते छत्रपती संभाजी महाराज यांच्या प्रतिमेला पुष्पहार अर्पण करून विनम्र अभिवादन करण्यात आले.
या छोटेखानी परंतु उत्साही सोहळ्यात नामदार मुश्रीफ यांनी छत्रपती संभाजी महाराजांच्या स्वराज्य रक्षणातील अतुलनीय बलिदानाचे आणि शौर्याचे स्मरण केले. “महाराजांचा इतिहास हा प्रत्येक पिढीसाठी प्रेरणादायी असून, त्यांचे विचार जपणे हे आपले कर्तव्य आहे,” अशा भावना यावेळी व्यक्त करण्यात आल्या.
या प्रसंगी राष्ट्रवादी काँग्रेस पक्षाचे विविध पदाधिकारी आणि प्रमुख मान्यवर मोठ्या संख्येने उपस्थित होते. सर्वांनी प्रतिमेचे दर्शन घेऊन महाराजांच्या स्मृतीस वंदन केले.
